Nkhosi,

Dlamini,

wena wekunene,

wena weluhlanga,

wena lowacedza Lubombo ngekuhlehletela,

Sdlubuladledle saka Lobamba,

Nkhosi.

Simelane,

Mnguni wasebuhleni,

Mpempe,

Ndlovu tidl’ ekhaya

ngoba teswele belusi,

teluswa yintfombatane Demazane,

ndlebe timchewana,

tachewulwa ngemagundvwane,

wena wagicika ngesilulu eNkhalaneni.

Nkhosi,

Mamba,

Ntfulini,

Samketi,

sinambova kuMalangeni,

KaMamba akuvalwa nge ngemivalo,

kuvalwa ngemakhandza emadvodza,

Galo lugwegwe lukhokha tingingila temadvodza,

Mamba lendze lese nsokonsokweni.

Magagula,

Mtfombeni,

Gujwa,

Msutfu welive,

gujwa agoduke nemihlambi yakho

Nxumalo,

wena wase Gudunkomo,

Zwide kaLanga,

Nkabanhle.